கடவுள் உங்கள் கண்ணுக்குத் தெரிவார்..!

எங்கே கடவுள்..?
எங்கும் இருக்கிறார் என்பது நீண்ட காலமாய்
கேள்விப் பட்ட செய்திதான்!
எங்கும் என்றால்..?
தூணிலும்.. துரும்பிலும்..!
இதுவும் அறிவோம் நாம்..!
எங்கும் என்றால்..
எனக்குள்ளுமிருக்கிறான் இல்லையா
என்று நாம் கேட்டுப் பார்த்ததில்லை !
எங்கும் என்றால்
அவனுக்குள்ளும் இருக்கிறான் இல்லையா
என்றும் நாம் கேட்டுப் பார்த்ததில்லை!
எனக்குள் அவனுக்குள் இருந்தால்
எல்லாருமே கடவுள் இல்லையா
என்றும் நாம் சிந்தித்ததில்லை!
இப்படி ஒரு சத்விசாரத்தில் இறங்கிப் பாருங்கள் ..
கண்டிப்பாகக்..
கடவுள் உங்கள்
கண்ணுக்குத் தெரிவார்!